Үснээсээ бусдыг тайлж тавиад нүв нүцгэн суудгийг минь
Үзгээ мэрэн хазалж цаас идэж өнждөгийг минь
Үзсэн нь ганцхан чи
Тэнгэрээс хулгайлсан үгсээ тэнд эндгүй өрж
Тэвчишгүй аашаараа бурхадыг ч сорьж сөрж суудгийг минь
Тэвчсэн нь ганцхан чи
Хаалга цонхоо түгжээд харанхуй дотор амьдардгийг минь
Харанхуй дотроо гэрэлтээд өрөөндөө багтахгүй цацардгийг минь
Харсан нь ганцхан чи...           Яруу найрагч Л.Өлзийтөгс